Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 52v

Llyfr Blegywryd

52v

tlysseu idaỽ taỽlbort a modrỽy eur
ac ny dyly ynteu na rodi y tlysseu hyn+
ny nae gỽerthu byth. Ny dyly bot
yn vraỽdỽr namyn y neb a dysker
uelly. neu a uo kyfarwyd y myỽn
kyfreith ac a tygho ual hynny na
rotho barn gam yn|y vywyt. Tri
pheth a perthyn ỽrth vraỽdỽr vn yỽ
dillỽg kyfarcheu ỽrth reit y brenhin.
Eil yỽ datganu a dosparth kynhenheu
y myỽn llys. Trydyd yỽ yr hyn a dos+
partho trỽy varn y gadarnhau trỽy
ỽystyl a braỽtlyfyr ot ym·ỽystlir ac
ef. neu os gofyn y brenhin idaỽ heb
ymỽystlaỽ. O deruyd rodi braỽt y
dyn amheu y vraỽt or neb y barnỽyt
idaỽ mal y bo dir y deturyt. A bot am+
rysson pỽy a dylyho y deturyt. ae paỽb
o·honunt ae vn. kyfreith a dyweit
or bu ynat y llys ỽrth y barnu ef a
dyly y deturyt. Ony bu hỽnnỽ. ynat
y kymhỽt bieu y deturyt or bu. ac o
y bu hỽnnỽ. yr ynat ae datganaỽd
gynt ae datuer yna o gyfreith. Sef
achaỽs