Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 51r

Llyfr Blegywryd

51r

yr. pedeir keinhaỽc kyfreith. Kynllyfan
olreat; ỽyth keinhaỽc kyfreith. Kynllyfan
milgi brenhin. pedeir keinhaỽc kyfreith.
Kynllyfan milgi breyr; dỽy geinhaỽc kyfreith.
DErwen; wheugeint a|tal. Or tyllir
trỽydi; trugeint a telir dros hynny.
Pob keig arbenhic or derwen. dec ar|hu+
geint a|tal. Auallen per. trugeint a
a* tal. Auallen sur. dec ar|hugeint a|tal.
Collen; pymthec a|tal. Draenen. seith
a dimei. Pob prenn arall ny dycco ffrỽyth
whech cheinhaỽc a tal or byd ir. Ywen
sant; punt a tal. Ywen coet. pymthec
Ffawyden. trugeint a tal. Keig uchel+
uar. trugeint a tal. Offer gof; wheu+
geint. Gradell; ỽyth keinhaỽc kyfreith.
a tal. Yscỽyt eur·lliỽ. neu aryant·lliỽ
neu las·liỽ. pedeir ar|hugeint a|tal
Ony byd yn yn* vn or lliỽeu; deu·dec
keinhaỽc a tal. Cledyf breulif; deu  ̷+
dec keinhaỽc. Cledyf gỽynseit. pedeir
ar|hugeint. Cledyf a uo eur neu ary  ̷+
ant ar y aual. gỽerth damdỽg a uyd
arnaỽ. Gỽayỽ; pedeir keinhaỽc kyfreith.
a|tal.