Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 50r

Llyfr Blegywryd

50r

kyfreith. Peir brenhin; punt. y gicwein;
deudec keinhaỽc. Callaỽr vchelỽr;
trugeint a|tal. Y gicwein; pedeir kein+
haỽc kyfreith. Callaỽr bilaen; dec ar|hu  ̷+
geint. ae gicwein; teir keinhaỽc. Llaỽ+
gallaỽr; dec ar|hugeint. Padell hay  ̷+
arn; whech cheinhaỽc. Taỽlbort bren  ̷+
hin; wheugeint. Taỽlbord o ascỽrn
moruil; trugeint a tal. Taỽlbord o as  ̷+
cỽrn arall. dec ar|hugeint. Taỽlbord
o van hyd; pedeir ar|hugeint. Taỽlbord
o uan eidon; deudec keinhaỽc. Taỽlbord
o pren; whech cheinhaỽc. Taradyr maỽr;
dỽy geinhaỽc kyfreith. Ebill taradyr;
dimei. Perued taradyr. keinhaỽc. kyfreith.
Nedyf a gylyf. a cheib. a chryman a ch  ̷+
rib. a gỽelleu. a gỽdyf. A billỽc. A bayol
gỽyn mangylchaỽc. A bayol helyc bryn
a chlaỽr pobi. A chic·dyskyl. A gogyr. a
chelỽrn. a mennei. a raff vleỽ. keinhaỽc
kyfreith. a|tal pob vn o hynny. Pal ac ystỽc.
helyc. A dyskyl lydan. a ridill. keinhaỽc
cotta a tal pob vn o hynny. Turnen. A
lletuet. A whynglo. ffyrllig a|tal pob un.