Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 49v

Llyfr Blegywryd

49v

maỽr a gymer. pob peth ny bo gỽerth
kyfreith arnaỽ. damdỽg a geffir ymda  ̷+
naỽ herwyd kyfreith. hywel. Y neb a wertho
moch. bit y danunt rac y vynyglaỽc.
tri diwarnaỽt. ac rac yr hualaỽc tri
mis. Ac nat yssont eu perchyll. Ac os
yssant. atuerer trayan y gỽerth. A bit
dros y dilysrỽyd byth. Or llad moch
neb dyn. talet perchen y moch alanas
y dyn ot adef y moch. Dros uaed kenuein.
y telir baed a hỽch o pob parth idaỽ.
Gỽerth cath a warchattwo yscubaỽr
brenhin. or lledir neu or dygir let+
rat. y phen a ossodir y waeret ar laỽr
glan gỽastat. ae lloscỽrn a drychefir y
uynyd. a dineu graỽn gỽenith ymdanei
hyny gudyo blaen y lloscỽrn. hyn uyd
y gỽerth ony cheffir y graỽn. dauat ulith
ae hoen. ae gỽlan. Gỽerth cath arall;
pedeir keinhaỽc kyfreith; Teithi cath a phob
llỽdyn nyt ymbortho dyn ar y laeth;
trayan y werth uyd. neu werth y tor+
llỽyth. Y neb a wertho cath. bit drosti
na bo cath·deric ar pob lloer. Ac nat