Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 47v

Llyfr Blegywryd

47v

hyt galan mei. pedeir ar|hugeint. a|tal.
hyt aỽst; dec ar|hugeint. hyt whefraỽr;
dỽy a deugeint. hyt uei; ỽyth a deu
vgeint. hyt aỽst; tri ugeint. kanys
deudec keinhaỽc a drycheif arnaỽ
yna. a deudec heuyt o pob tymor hyt
galan mei. Ac yna teir blỽyd uyd.
Ac vn ar pymthec a phetwar vgeint
a|tal yna. Ac y dylyir y dala. A phan
dalher; vgeint a drycheif ar y werth.
A phedeir keinhaỽc cotta pan frỽyn+
her. Ac uelly wheugeint a tal. Am+
ỽs a pasker whech ỽythnos punt
a|tal. Palffrei. morc a tal. Rỽnsi
wheugeint. Sỽmer·uarch petwar
vgeint. Raỽn amỽs y maes or go  ̷+
loren. pedeir ar|hugeint. Or trych+
ir dim or goloren. gỽerth yr amỽs
oll a telir. Llygat amỽs. ae glust.
pedeir ar|hugeint a tal pob vn. Or
dellir oll; oll y werth a telir. Gỽerth
raỽn rỽnsi. deudec keinhaỽc. Ac uelly
y lygeit. ae glusteu. Y neb a watto
llad march yn lledrat; rodet lỽ