Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 46r

Llyfr Blegywryd

46r

Odyna hyt aỽst o ulaỽt heid. Odyna
hyt galan gayaf o ulaỽt gỽenith.
y telir y messur uelly. Gỽerth aniueileit
Gỽerth llo gỽr yỽ hyt galan racu+
yr; whech cheinhaỽc yỽ. o hyn  ̷+
ny hyt yn|y tryded ulỽydyn dỽy gein  ̷+
haỽc a drycheif arnaỽ pob tymor.
Calan racuyr gỽedy hynny; dỽy ar|hu  ̷+
geint a tal. hyt galan whefraỽr. pe  ̷+
deir ar|hugeint. Eil dyd whefraỽr y
dodir ieu arnaỽ. Ac yna pedeir kein+
haỽc cotta a drycheif ar y werth Naỽ+
uetdyd o whefraỽr or ymeill ac eredic
vn ar pymthec a drycheif arnaỽ dros
y teithi. a dỽy geinhaỽc or tymor. Ac
yna whech a deugeint a tal hyt galan
mei. hyt aỽst. ỽyth a deugeint hyt ga  ̷+
lan whefraỽr. deudec a deugeint a|tal.
Ac yna allweith uyd. A hynny a drych+
eif arnaỽ. pedeir keinhaỽc kyfreith. hyt
galan mei. ac yna trugeint a tal. Ac
ych cỽbyl uyd. Croen ych; deudec kein+
haỽc a tal. Croen buch; ỽyth keinhaỽc
a tal. Teth buch; pedeir keinhaỽc kyfreith
a tal.