Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 43v

Llyfr Blegywryd

43v

dyry hỽnnỽ yr arglỽyd. Y neb a talho
vgein sỽllt yn|y vlỽydyn y gymeint
a tal yn amobyr y verch. A phan
gymero tir. Ac yn|y ebediỽ. Ar neb
a gymero dec sỽllt. uelly dec sỽllt
a tal yn|y racdywededigyon achỽysson.
Pob erỽ o tir kyllidus a tal kymeint
ae gilyd yn|y vlỽydyn. Escobtyeu dyfet.
SEith escob·ty yssyd yn dyfet. A
mynyỽ yỽ yr eistedua arben+
hicca yg|kymry. Eglỽys Ismael. A llan
degeman. A llan vssyllt. A llan teilaỽ.
llan teulydaỽc. llan geneu. Abadeu
teilaỽ. A theulydaỽc. Ac Ismael. A
degeman a dylyant uot yn llythyr+
aỽl vrdolyon. Ebediỽ pob vn or pet+
war hyn y arglỽyd dyfet; deudec
punt yỽ. Ar neb a del yn eu lle talet.
Mynyỽ a dyly bot yn ryd o pob
ryỽ dylyet. Llan geneu. A llan vs+
syllt. ryd ynt o ebediweu. canyt
oes tir vdunt. Y neb a wnel gỽaet
ar abat vn or eisteduaeu arben+
hic hynny racdywededigyon;