Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 41v

Llyfr Blegywryd

41v

a geiff pedeir keinhaỽc kyfreith. y gantaỽ
o agori dayar. ar bỽystuil a dalher yn+
daỽ heuyt. Y neb a glado pỽll odyn ar
tir dyn arall heb y ganhat. perchen y
tir a geiff yr odyn. A phedeir keinhaỽc
kyfreith o agori dayar. A thri buhyn camlỽrỽ
yr brenhin. Y neb a dotto rỽyt y myỽn
auon ny phieiffo; trayan y pyscaỽt a
geiff ef. ar deu parth y perchen yr auon.
Ny cheiff neb penkenedylyaeth. na
sỽyd. nac eissydyn arbenhic o ureint
tir o pleit mam kyn canhatter ran o
tir idaỽ or byd o pleit tat neb ae dylyo.
teilyghach eissoes yỽ caffel o|dyn o bleit
mam y rei hynny noc eu caffel o estraỽn.
Or ymrỽym gỽreic ỽrth ỽr heb gyg+
hor y chenedyl. y plant a enillo o hỽn+
nỽ ny chaffant ran o tir y gan gene+
dyl eu mam o gyfreith. Or dyry rieni
neu genedyl wreic tlaỽt y alltut;
plant honno or alltut a gahant ran
o tir gan genedyl eu mam. Ac ny cheiff
vn o·honunt eistedua arbenhic hyt
y tryded ach. Ac or ryỽ giniwedi honno