Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 41r

Llyfr Blegywryd

41r

han brenhin a breyr. Gỽr. A gỽreic.
hynaf a ieuhaf. breyr a bilaen.
OR ymlad gỽr escob neu abat. A
gỽr brenhin ar tir y brenhin. neu
deu ỽr yr escob. A gỽr yr abat. y bren+
hin bieu eu dirỽyon. Pỽy bynhac
a artho tir dyn arall dros naỽd y
brenhin; pedeir keinhaỽc kyfreith
a tal y perchen y tir dros agori dayar.
A phedeir keinhaỽc kyfreith dros diot
yr heyrn or dayar. A cheinhaỽc dros
pob cỽys a ymchoeles yr araradyr*.
ac ony ỽybydir rif y cỽysseu. troet+
ued uyd llet pob cỽys. y brenhin a
geiff yr aradyr. ar heyrn ar ychen.
a gỽerth y troet deheu yr amaeth. A
gỽerth y llaỽ deheu yr geilwat. Y neb
a gudyo dim y myỽn tir dyn arall
trỽy glad. perchen y tir bieiuyd y gud  ̷+
ua onyt eurgraỽn uyd. canys bren+
hin bieu pob eurgraỽn. cudyedic. A
phedeir keinhaỽc kyfreith am agori
dayar y perchen y tir. Y neb a glado
annel y myỽn tir dyn arall. perchen