Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 39v

Llyfr Blegywryd

39v

dyn* ran o tir gan y gereint gỽedy
y bei yn hir alltuded. rodet wheu+
geint udunt yg|gobyr gỽarchadỽ
or canhadant ran idaỽ heb gỽyn.
Pỽy bynhac a wnel brat arglỽyd
neu a wnel kynllỽyn; ef a gyll
tref y tat. Ac or keffir crogadỽy uyd;
Ony cheffir a mynnu o·honaỽ gym+
hot a chenedyl ac ac arglỽyd; tal
deudyblyc a daỽ arnaỽ o dirỽy a
galanas. Ac or kyrch lys y pab. A
dyuot llythyr gantaỽ a dangosso y
y rydhau. tref y tat a geiff. Trydyd
achaỽs y kyll dyn tref y tat o en+
kil o·honaỽ y ỽrth y tir oc na allo
godef y beich ar gỽassanaeth a uo
arnaỽ. Or dyry brenhin tir y dyn
trỽy  gyfreith; ny digaỽn y etiued dỽyn
y tir rac hỽnnỽ o gyfreith.
O Tri mod yd holir tir; o gam+
wereskyn. Ac o datanhud trỽy
uedyant tat neu vam hyt agheu.
Ac o ach ac etryt. kyny thyckyo gof+
yn tir or mod kyntaf. nac or eil;