Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 38r

Llyfr Blegywryd

38r

kyn oe tir. Os tremygu y|gyntaf
a dyfot yr eil. neu yr tryded. y gni  ̷+
uer gỽys a tremycco. y gniuer
camlỽrỽ a tal yr brenhin. Ac eissoes
ny dygỽyd oe dadyl. namyn os kyf  ̷+
reith ae barn idaỽ gỽrthebet. Ny
chyll neb y tir yr dygỽydaỽ yg|gỽall  ̷+
aỽgeir hyny dygỽytho teir gỽeith.
Y neb a talho kynassed o tir. ny
thal hỽnnỽ ebediỽ pan uo marỽ.
Or byd tir rỽg gỽelygord heb ran+
nu. kyn bỽynt meirỽ oll eithyr
vn dyn. yr un hỽnnỽ a geiff y tir
kyffredin oll. Ac ony dichaỽn ef wn+
euthur cỽbyl wassanaeth dros y
tir hỽnnỽ; trigyet y tir yr brenhin
hyny allo hỽnnỽ y wassanaethu.
Or gofyn dyn tir o ach ac etryt;
ny dylyir y warandaỽ hyny tygho
henuryeit gỽlat y hanuot or wely+
gord a gynhalyo y tir. Pỽy bynhac
a gynhalyo tir an·dylyet idaỽ yn
vn gymhỽt. neu yn vn gantref.
ar rei ae dylyho trỽy teir oes rieni