Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 37r

Llyfr Blegywryd

37r

yssyd; nyt oes warthal gan dewis.
Ny cheiff neb tir y gyt etiued me  ̷+
gys y vraỽt. neu y gefynderỽ. neu
y gyferderỽ. gan y ofyn trỽy yr
vn gyt etiued hỽnnỽ a uei uarỽ
heb etiued idaỽ oe gorff. namyn
gan y ofyn trỽy vn oe  ryeni a uu per+
chen yr tir hỽnnỽ hyt y varỽ. Ae
tat. Ae hen·tat. Ae gor·hentat. y
tir hỽnnỽ a geiff os ef uyd nessaf
car yr marỽ. Gỽedy ranho bro+
dyr tref eu tat y·rydunt. or byd
marỽ un o·honunt heb etiued oe
gorff. neu gyt etiued hyt geiuyn;
y brenhin a uyd etiued or tir hỽnnỽ.
Megys y mae braỽt yn etiued dy+
lyedaỽc o tref y tat uelly y mae
chwaer yn etiued dylyedaỽc oe gỽa+
daỽl. trỽy yr hỽn y caffo hi ỽr priaỽt
dylyedaỽc o tir. nyt amgen y gan
y that. neu gan y etiuedyon. or tric
ỽrth gyghor y ryeni. Ae chyt etiue+
dyon. Ony byd y perchenhaỽc tir
etiued arall onyt merch; y verch