Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 36v

Llyfr Blegywryd

36v

arhos naỽuetdyd ymdanaỽ. namyn
agoret uyd gỽir idaỽ pan y gofynho.
Or kymher tayaỽc brenhin mab
breyr ar vaeth gan ganhat y bren+
hin; kyfrannaỽc uyd y mab hỽnnỽ
ar tref tat y tayaỽc mal un oe veibon
PAn ranho brodyr tref [ e hunan.
eu tat y·rydunt. y ieuhaf a geiff
y tydyn arbenhic a holl adeil y tat.
Ac ỽyth erỽ. Ae gallaỽr. Ae uỽell
gynnut. Ae gỽlltyr. cany eill tat rodi
y neb y rei hynny namyn yr mab
ieuhaf. A chyn gỽystler; ny dygỽyd+
ant vyth. Odyna kymeret pob braỽt
eissydyn ac ỽyth erỽ. Ar mab ieu+
haf a ran. Ac o hynaf y hynaf dewis
hyt ar y ieuhaf. Teir gỽeith y ren+
hir yr vn tref tat rỽg teir grad
kenedyl. yn gyntaf rỽg brodyr.
Eil weith rỽg kefynderỽ. Tryded
weith rỽg kyferderỽ. Odyna nyt
oes priaỽt ran ar tir. Ny dyly
neb gofyn atran onyt y neb ny
chafas ran dewis. Odyna y diaereb