Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 33v

Llyfr Blegywryd

33v

Gobyr merch brenhin; punt yỽ.
Ac yr vam y telir. tir uyd y chowyll.
y meint a welho y gỽr y uot yn iaỽn.
pedeir punt ar dec vyd y hegỽedi.
Gobyr merch penkenedyl. punt yỽ.
Gobyr merch vchelỽr; wheugeint.
Gobyr merch bilaen; pedeir ar|hu  ̷+
geint. Gobyr alltudes; pedeir ar|hu+
geint. Gobyr merch bonhedic can+
hỽynaỽl. pedeir ar|hugeint. Megys
y dyly gỽr rodi meicheu dros yr e+
gỽedi. uelly y dyly rieni y uorỽyn
rodi meicheu na wnel  hitheu
Pvnt yỽ gỽerth [ yn erbyn y gỽr.
gỽestua brenhin. wheugeint dros
y vara. A thrugeint dros y enllyn.
A thrugeint dros y lyn. A hynny ony
thelir y westua yn amseraỽl. Messur
gỽestua brenhin yỽ. pỽn o vlaỽt gỽe  ̷+
nith ac ych. A seith drefa o geirch vn
rỽym. A dogyn o vel yn vn gerỽyn
Naỽ dyrnued uyd uchet y gerỽyn.
pan uessurer ar ỽyr or cleis draỽ yr
emyl yma. A phedeir ar|hugeint o