Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 29r

Llyfr Blegywryd

29r

y gyfreith hon; blỽydyn a hanher
y mac y vam ef. A gỽedy hynny;
nys mac dim. Os tỽyll·uorỽyn a
geffir heb wat. y chrys a torrir tu
rocdi. ae thachefyn*.  Ac y gỽr a dyry
idi enderic gỽedy iraỽ y loscỽrn.
Ac or dichaỽn hi y attal. herwyd y
loscỽrn kymeret yn|y hegỽedi. Or
lledir gỽr gỽreicaỽc y sarhaet a telir
yn gyntaf. Ac odyna y werth. tray+
an y sarhaet hagen a geiff y wreic.
Or a merch breyr gan ỽr yn llath+
rut oe bod. pan atter sef uyd y hegwe  ̷+
di; whech eidon kyhyt eu kyrn ac
eu hyskyfarn. Y verch tayaỽc or
kyfryỽ dadyl; tri eidon kyfoet a rei
hynny a telir. Gỽreic gỽr ryd a
dichaỽn rodi y mantell. Ae chrys.
Ae heskidyeu. Ae phenlliein. Ae blaỽt
Ae chaỽs. Ae hemenyn. Ae llaeth. A
heb gyghor y gỽr. A benffygyaỽ holl
dodrefyn y ty a eill. Ny dyry gỽreic tayaỽc
dim heb ganhat y gỽr onyt y phen+
guch. Ac ny eill benffygyaỽ dim onyt