Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 27v

Llyfr Blegywryd

27v

kyny thygho dynyon gyt ac ef. na+
myn rodet e hunan y lỽ yg|kyfeir pob
dyn or a dylyei tygu gyt ac ef bei
kenedlaỽc. Sarhaet gỽreic caeth;
deudec keinhaỽc yỽ. Os gỽnhigyaỽl
vyd; pedeir ar|hugeint vyd y sarhaet
Sef vyd honno; gỽreic ỽrth y notwyd.
Dirỽy caeth or lledrat kyntaf a wnel
wheugeint. or eil. punt. Or trydyd.
vn gyfreith vyd a gỽr ryd herwyd dial.
Py le bynhac y gordiwether caeth
yn fflemhaỽr; pedeir ar|hugeint
yg|gobyr diffryt a telir drostaỽ. A
phedeir keinhaỽc yghyfeir pob kym+
hỽt y kerdỽys drostaỽ. Or a y vren+
hinaeth arall; pedeir ar|hugeint
yn llaỽ a geiff y neb ae rydhao. Ac
o hynny y trayan a gynheil gantaỽ.
Ar deu parth a geiff perchen y tir.
Y neb a veichocco gỽreic caeth gỽr
arall; paret wreic yn lle honno y was  ̷+
sanaethu hyny agho. Ac yna maget
y tat yr etiued. Ac or byd marỽ y ga  ̷+
eth y ar yr etiued; talet y neb ae