Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 25v

Llyfr Blegywryd

25v

pedeir keinhaỽc dros wer. keinhaỽc
dros y oleuat beunoeth. keinhaỽc
dros uỽyt y medyc beunyd. A chein  ̷+
haỽc dros uỽyt y medyc peunyd.
A cheinhaỽc dros uỽyt y brathedic
beunyd. Pedeir keinhaỽc cotta a
telir y dyn dros pob ascỽrn uch
creuan a tynher oe pen or a sein+
ho y myỽn caỽc euyd. O pob ascỽrn
is creuan; pedeir keinhaỽc kyfreith.
a geiff. Kyfreith a dyweit bot
yn vn werth aelodeu pob dyn ae
gilid. Or trychir aelaỽt y brenhin
y uot y vn werth ac ac* aelaỽt
y bilaen. Eissoes mỽy yỽ gỽerth
sarhaet brenhin neu vreyr no
sarhaet bilaen or trychir y aelaỽt.
E Neb a gnithyo dyn talhet y
sarhaet yn gyntaf. canys dry  ̷+
chaf a gossot yỽ sarhaet dyn. A
cheinhaỽc yghyfeir pob bys a el
yn|y pen. A dỽy ygyfeir y vaỽt.
A cheinhaỽc dros pob blewyn
bonwyn a tynher oe pen. A phedeir