Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 23r

Llyfr Blegywryd

23r

ac ef. Sef a tal milgi breyr or dech  ̷+
reu hyt y diwed. hanher kyfreith
gellgi breyr gogyfoet ac ef. Gỽerth
keneu costaỽc bilaen kyn a·gori y
lygeit keinhaỽc cotta a tal. yn|y gro  ̷+
wyn; dỽy geinhaỽc. yn|y gynllỽst;
teir keinhaỽc. yn ryd; pedeir kein  ̷+
haỽc cotta a tal. Py ryỽ bynhac
uo ki tayaỽc. pedeir keinhaỽc vyd
y werth onyt bugeilgi vyd. A hỽnnỽ
tri ugeint a tal. Or raculaenha yr
yscrybyl y bore. A dyuot yn eu hol y
diwedyd. Ac eu kylchynu teir gỽeith
yn|y nos. A gallu oe perchen. A chy  ̷+
modaỽc vch drỽs ac arall is drỽs
cadarnhau yn wir hynny. Costaỽc
kyt bo y brenhin bieiffo neu vreyr.
un vyd a chostaỽc bilaen. Ki callawed
or lledir bellach naỽ cam y ỽrth y ty.
ny thelir dim ymdanaỽ. Os o vyỽn
y naỽ cam. pedeir ar|hugeint a tal.
Bitheiat. nyt oes werth kyfreith ar+
naỽ. canyt oed y kyfryỽ gi hỽnnỽ
yn oes hywel da. Gỽerth damdỽg a
uyd ar pob peth ny bo gỽerth kyfreithaỽl