Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 21r

Llyfr Blegywryd

21r

pob lle yn|y wlat. Py le bynhac
y gordiwether hyd brenhin a
vo kynydyon y brenhin yn|y hely
ny cheiff neb warthaỽr tir o·ho  ̷+
naỽ. Or lledir hyd brenhin y
myỽn tref breyr y boreu. catwet
y breyr ef hyt hanher dyd. Ac or
doant y kynydyon yna. kymer+
ent ef. Ac ony doant; paret y bre  ̷+
yr y vligaỽ. a llithiaỽ y cỽn or kic.
A dyget y croen gantaỽ adref. Ar
auu ar wharthaỽr ol. ar cỽn. Ac
ony doant y kynyon* y nos hon  ̷+
no. kymeret ef y kic oll. A chat  ̷+
wet y cỽn ar croen yr kynydy  ̷+
on. Or lledir y carỽ hanher dyd
yn tref breyr; catwer yn gyfan
ef hyt y nos. Ac ony doant y ky+
nydyon yna; gỽnelher am hỽnnỽ
mal am y llall. Os y gyt ar nos
neu hyt nos y lledir; tanhet y
breyr y vantell arnaỽ. A chatwet
velly hyt y bore. Ac ony doant y
kynydyon yna; gỽnaet ymdanaỽ
yn|y mod rac·dywededic. Pỽy bynhac