Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 17r

Llyfr Blegywryd

17r

yn|y dadyl honno. kanys y gỽarant
a dyly gỽrtheb drostunt ell deu. A
chanyt oes dim o waranrỽyd am  ̷+
gen noc amdiffyn a rydhau. Pỽy
bynhac a vo gỽell gantaỽ y arall
dadleu drostaỽ noc e hunan. canhat
yỽ idaỽ ef tewi heb dadleu dim tra
vynho kynhal tauodyaỽc. Y neb a
uynho tystu gỽall y myỽn dadyl
yn erbyn perchen y tauodyaỽc;
tystet ar y tauodyaỽc. kany ellir
proui vn gỽall ar y perchen. canys
canhat yỽ idaỽ tewi o gyfreith tra
uo y dadyl oll. Llyssu tyston a uyd
ual y dewisso y tauodyaỽc. ae trỽy
alanas oe pleit e hunan. ae trỽy a  ̷+
lanas o pleit y perchen. canys yn
eu herbyn ell deu y tystir. Ny dylyir
rỽymaỽ vn dadyl trỽy tystolyaeth
ar wallaỽgeir heb ganhat y brenhin
or perthyn idaỽ dirỽy neu a uo mỽy.
am y dadyl ony thystir. kanys or llys  ̷+
sir. ny cheiff y brenhin dim. Ac ony
lyssir; ny cheiff mỽy no chamlỽrỽ.
OS keitwat a gyll adneu heb golli