Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 15v

Llyfr Blegywryd

15v

wadu vn o·honunt yn erbyn y
gilid nac yn erbyn y distein; whe
phunt vyd. Os o vaes yr llys y
byd; teir punt vyd. Or palla y
reith yr neb a watto ymlad; dir+
ỽyus vyd megys na wattei dim.
Diuỽyn dirỽy treis morỽyn yỽ;
gỽialen aryant. a ffuol eur a ch+
laỽr eur. mal y dywetpỽyt am
eu messureu yn diuỽyn am sar+
haet brenhin. Diuỽyn dirỽy ym+
lad yỽ deu·deg mu. Diuỽyn dirỽy
ledrat yỽ kyssỽynaỽ lledrat ar
dyn. a gỽadu o·honaỽ yn da ar y
tauaỽt. a gossot reith arnaỽ. ae
phallu. lleidyr kyfadef can pallỽys
y reith. Gỽiryon oe pen e hunan
ae tauaỽt. ny delhit dim gantaỽ
deudeg mu dirỽy arnaỽ. Taryaneu
PEdeir taryan yssyd a gerdant
yn llys rỽg kynhenusson a
reith gỽlat. neu deturyt gỽlat.
megys kadỽ gỽesti am ledrat
kyssỽyn. A chadỽ kyn coll. A geni