Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 14v

Llyfr Blegywryd

14v

abat. nac yscolheic yscol heb ganhat
y athro. na gỽreic onyt arglỽydes
y talaỽdyr vyd. na mab heb gan  ̷+
hat y tat tra dylyo uot drostaỽ.
kyt el y rei hynny yn veicheu; ny
dylyir kymhell mechni neb o·hon+
unt. Tri lle yd ymdiueitha mach
kyfadef ar dylyet aghyfadef. vn
yỽ o diwat or talaỽdyr y mach.
Eil yỽ o gaffel tystolyaeth o vn or
kynnygyn ar y gilid trỽy ymhaỽl
yn llys. Trydyd yỽ o lyssu o vn
tyston y llall y myỽn llys. Tri pheth
ny henynt o vechni; agheu a
chleuyt. a charchar.
TRi ryỽ dirỽy yssyd; vn o ymlad.
Arall o treis. Tryded o ledrat.
 deudyblyc vyd dirỽy yn llys ac
yn llan. os mam eglỽys ac vchell+
aỽc vyd. O ymlad a wnelher y
myỽn mynwent; pedeir punt
ar dec a telir. Os o vaes yn|y nod+
ua; seith punt a telir. Hanher y