Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 14r

Llyfr Blegywryd

14r

o vyỽn y hynny dros y cam a wnel
hỽnnỽ. kanys megys rỽymedic
yỽ y myỽn yr achaỽs hyny ỽyppo
a del y kylus ỽrth gyfreith ae ny del
kyn y teruyn. Pỽy bynhac a gyme  ̷+
ro mach ar dylyet. a marỽ y mach
kyn talu y dylyet. doet ar ved y
mach a thyghet ar y seithuet or
dynyon nessaf y werth y ry uot
hỽnnỽ yn vach idaỽ ar y dylyet. or
keffir y bed. Ac onys keiff. ar allaỽr
gyssegredic. A gỽedy hynny yr arglỽyd
bieu kymhell y vechni dros y marỽ
Os y kynnogyn a vyd marỽ. Ar
mach yn vyỽ. dyget y mach y vech  ̷+
ni yn gyffelyb y hynny gan tygu
e hunan ar ved y kynnogyn. Ac
yna y teir ach nessaf yr talaỽdyr
ae talant y dylyet. Kyt dycco mach
y vechniaeth yn erbyn llỽ arglỽyd.
ny chyll na dirỽy na chamlỽrỽ o
gyfreith. Ny dyly neb rodi alltut
yn vach ar neb a uo kadarnach
noc ef. na mynach heb ganhat y