Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 11r

Llyfr Blegywryd

11r

vn yn erbyn y llall. dir yỽ idaỽ tygu
yg|gỽyd yr arglỽd*. Yspeit naỽ nieu
a geiff arglỽyd am y lỽ y vedylyaỽ
py uod y tygho. Oet yssyd y offeirat
am y lỽ hyt yr amser y gallo canu
efferen yn gyntaf. Eil yỽ abat rỽg
y deu vynach. Trydyd yỽ tat rỽg y
deu vab gan dodi y laỽ ar pen y mab
y tygho yn|y erbyn. A thygu ual hyn.
Myn duỽ am creỽys i o tat a thith+
eu o·honof inheu. gỽir yỽ a dywedaf
i y·rot ti ath vraỽt. Petwyryd yỽ
braỽdỽr y·rỽg y deu dyn a uỽynt
yn amrysson am y varn a rodassei
ef vdunt gyn no hynny. Pymhet
yỽ mach am y vechni gyfadef y
rỽg deu dyn pan watto ran oe
vechni. ac adef ran arall. Whe+
chet yỽ offeirat y rỽg y de* dyn
plỽyf am yr hyn a tystassant idaỽ
kyn no hynny. Seithuet yỽ mor  ̷+
ỽyn am y morỽyndaỽt. os y gỽr
y rodet idaỽ ae hamheu yr gỽaeth  ̷+
au y breint. credadỽy yỽ hi o vyỽn