Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 10v

Llyfr Blegywryd

10v

a ellir palledic vydant. Ony ellir; tyst  ̷+
on diball vydant. Tyston a ellir eu
gỽrthneu pan dechreuỽynt eu tysto  ̷+
lyaeth oc eu seuyll megys na bo reit
eu llyssu. Ac velly gỽybydyeit. nyt
amgen no thrỽy obyr. neu trỽy eu
bot yn gyfrannaỽc ar yr hyn y bo y
dadyl ymdanaỽ. neu torri ffyd yn
gyfadef. neu o anudon kyhoedaỽc.
neu o ledrat kyfadef. neu oe vot
yn yskymun geir y enỽ. Or gellir
proui hynny trỽy wlat eu gỽrthneu
a ffynya. Yghyfreith ruuein y kef+
fir y lle nyt enwer rif tyston. di  ̷+
gaỽn yỽ deu tyst. Y gyfreith hon a
dyweit; nat cỽbyl tystolyaeth vn tyst.
NAỽ nyn a gredir pob vn yn dỽyn
y tystolyaeth gan tygu. kyn  ̷+
taf yỽ. Arglỽyd rỽg y deu ỽr trỽy
na bo kyfrannaỽc ar y dadyl. neu
ar yr hyn y bo y dadyl ymdanaỽ
ot ade pob or gỽyr ry uot eu kyn  ̷+
hen yn|y ỽyd ef kyn no hynny ac
na bỽynt vn dull. Ac or gỽatta