Llsgr. Amwythig 11 – tudalen 98
Ystoria Adda
98
val ẏ bei lei o wẏrtheu a wnelei ac ny thrig+
ẏei ẏ pren ẏn pont namẏn trossi o|r neill
tu y|r auon hẏnẏ doeth sibylla vrenhines
ẏ gaerusalem y dyscu doethineb at Selẏf a t+
hu a|r auon ẏd oed ẏ pren ẏ doeth Sibilla
ac arganuot pren a oruc ac adoli idaỽ ac
estỽng ẏ phen a diot ẏ harchenat a dyrcha+
uel ẏ dillat a mẏnet drỽẏ ẏ dỽfyr is|laỽ ẏ lle
ẏd oed ẏ pren a oruc a dẏwedut val hẏnn
ymadraỽd proffỽẏdolẏaeth Ẏ daẏar a wlẏ+
ppa. o hwẏs o arỽẏd y manac hỽnn ef a da+
ỽ o|r nef trỽẏ yr oessoed rac llaỽ brenhin nyt
amgen a varnho ẏn|ẏ gnaỽt a phaỽb a|e gỽ+
elant gy˄ntrychaỽl a drỽc a|da ẏ dẏd diweth+
af ac ẏn|ẏ gnaỽt ẏ daỽ paỽb ẏ uarnu a+
rnaỽ o|r a|uo yn gorwed ẏn|ẏ bedeu Yna llysc
ẏ tan ẏ daẏar a|r mor a|r awẏr ac ẏ tẏrr pẏ+
rth uffern tẏfỽyll* A|r ffynhonneu a loscant
o flam dragyỽẏd ẏna y dattodir ar paỽb eu
gweithredoed cudedic ac ẏd egẏr duỽ eu cal+
| « p 97 | digital image | p 99 » |