Llsgr. Amwythig 11 – tudalen 88
Ystoria Adda
88
ẏ traẏthu o amraual genetloed frỽẏtheu a blo+
deu Ac ef a glywei ẏno kywẏdolaetheu ac organ
ny|s clẏwsei eiroet Ac a|welei yno fẏnaỽn va+
ỽr a phedeir ffrỽt ẏn ỻithraỽ ohoni nẏt am+
gen phison zison Tigris Eufrates a|r pedeir
hynny yssyd yn gwasanaethu dỽuyr echỽyd
ẏr hoỻ uẏt Ac vch penn ẏ ffynhaỽn ẏd oed pr+
enn diruaỽr y veint a cheigeu amyl arnaỽ ẏn
gelluein noeth heb na risc na deil Ac yno y me+
dẏlỽẏs seth panyỽ hỽnnỽ oed ẏ prenn ẏ pecha+
ssei ẏ rieni ef am ẏ ffrỽyth am ẏ welet yn g+
eỻuein val ẏ gỽelsei oleu y tat a|e uam heb
tyfu vn bleỽyn ẏn eu hol Ac am hẏnnẏ mynet
ẏ prenn ẏ gelluein am pechaỽt ẏ rieni ef Ẏna ẏ
tẏnnỽẏs ef y penn dracheuyn a dyuot at ẏr ag+
hel a dywedyt idaỽ a welsei a|r aghel a erchis
ẏdaỽ ẏr eilweith edrych y|myỽn A phan edrẏch+
ỽẏs ef a|welei sarff aruthẏr ẏ weledyat a dych+
rẏnu a oruc ac ymhoẏlut drachefẏn a|r drẏ+
ded weith ẏ edrẏchỽys ef y|myỽn ac ef a welei
| « p 87 | digital image | p 89 » |