Llsgr. Amwythig 11 – tudalen 77
Ysbryd Gwidw
77
diỽ. Gwidw. o|r ẏsprẏt glan. Prior. gỽrthỽẏneb
ẏ dẏỽedẏ achos o|r marỽ ẏ keneis. Gwidw. gỽ+
ir a dẏỽedẏ a chẏt a hẏnnẏ gỽir a dẏỽe+
deis inne achos pan geneist ti ẏr offeren
hediỽ o|r marỽ kẏmrẏt a ỽnaethost orẏ+
eu o|r ẏsprẏt glan ar ẏr offeren hir hon
a ỽnaeth ẏr offeren vỽẏa vẏ nerthu Ac
ẏm plith ẏr offerenne oll mỽẏa nerth
ẏ mi offerenneu o|r drindaỽt ac o|r ẏsprẏt
glan o achos duỽ ẏ kanhataỽd y mi nerth
ẏn vỽẏa o|r offerenne hẏnnẏ. Prior. bẏ of+
feren vỽẏa ẏn gẏffredin a nertha ẏr
eneide o|r purdan. Gwidw. pỽẏ|bẏnnac a|ga+
no offeren trỽẏ ewẏllẏs dros a|garo os
o|r seint ẏ can canet ẏn garedic o|r ar+
glỽẏdes veir ac o hẏnnẏ kẏntaf ẏ rẏd+
heir os dros laỽer can neu dros ẏr holl
eneideu canet offeren o|r meirỽ. Prior.
bẏ rẏỽ orẏeu vỽẏa ẏ nerthant ẏr ene+
ideu o dieithyr offerenne. Gwidw. seith sa+
| « p 76 | digital image | p 78 » |