Breudwd Rhyddiaith Gymraeg 1300-1425
English

Llsgr. Amwythig 11 – tudalen 72

Ysbryd Gwidw

72

da ae ẏsprẏt drỽc r ẏsprẏt a attebaỽd ẏs+
prẏt da o achaỽs creadur ỽẏf ˄y duw eissoes ẏn|
meint ẏ pecheis drỽc ỽẏf ac nẏt ẏmỽn+
af ẏr aỽr·hon ẏn drỽc namẏn ẏ mot ẏn
poeni dros a wneuthẏm o drỽc. Prior. pi* ỽ+
yt ẏsprẏt ti nteu ẏ* attebaỽd ẏsprẏt
Gỽidỽ. Prioragharedic ẏ dẏỽedẏ o achaỽs
gỽidỽ a parthaỽd mal criston da A thi+
theu ẏn gỽneuthur anclot ẏdaỽ r ẏs+
prẏt a attebaỽd nac ỽẏf angheredic ẏ+
daỽ a llẏma ẏr achos nẏt erbẏnneis i ẏ
gaGỽidỽ dieithẏr tudedẏn agheu a mi+
nheu ẏr ẏ carẏat ef a|ẏmrỽẏmeis ẏ la+
er o boẏneu ac nẏt ẏdỽẏf ẏn dỽẏn an+
clot ẏdaỽ achos anclot ẏỽ crẏneiro neu
ỽeithret a tro ẏ dẏn ẏn gẏỽilẏd A|ach+
os ẏd ỽẏfi ẏmma val ẏ gallo ẏn gẏnt
ẏmrẏdhau o|ẏ boẏne A llẏna ẏr achos
naagharedic ẏdaỽ nac ẏn gỽneuthur
anclot ẏdaỽ Ac ẏr ẏdaỽ gaffel a chẏmrẏt