Breudwd Rhyddiaith Gymraeg 1300-1425
English

Llsgr. Amwythig 11 – tudalen 71

Ysbryd Gwidw

71

dẏ hẏnnẏ Seith salẏm ediueirỽch ac ennỽ+
eu ẏ seint ac ẏn|ẏ diỽed pan dyỽedassa+
nt ẏ geir hẏn mal perthẏn ar ẏ diỽed
o|r gỽassaneth Oen Jessu grist a diffrỽ+
ẏtheist pechodeu ẏ bẏt trugarhaa ỽr+
thẏm Ac ẏna ẏ clẏỽẏnt o|r giluach lef
blaengarn gan ẏr ẏsprẏt ẏn gỽrtheb
amen A phan gigleu ẏ prior ẏr atteb er+
chi a oruc o lef ẏ benn ẏn enỽ ẏ trin+
daỽt a|r gỽaet a wascaraỽd o calhon
vn mab duỽ o|r bei cannaa dedẏf ẏ+
daỽ ẏmdidaac ỽẏnt nat elei o|r lle hỽ+
nnỽ ẏnẏ darffei idaỽ rodi atteb o|r pe+
theu a ouẏnnit ẏdaỽ; r ysprẏt ẏ atte+
baỽd Gouẏn a vẏnnẏch ac o pob peth
o|a vo dedẏf ẏ|atteb mi a|atteba A ph+
an glẏbu paỽb ẏr ẏmdidan hẏn ẏ rei
a ossodet ẏ maes trỽẏ ẏmrỽn ac ym+
rẏsson maỽr a deuẏnt ẏ mẏỽn Ac ẏna
ẏ gouẏnnaỽd ẏ Prior beth ỽẏti ae ẏsprẏt