Breudwd Rhyddiaith Gymraeg 1300-1425
English

Llsgr. Amwythig 11 – tudalen 70

Ysbryd Gwidw

70

Magnificad a Bendiccus ẏn gỽassanaethu
tu ac at dẏỽolẏaeth a|r bẏtolẏaeth. Prior. beth
ỽaetha a ỽna ẏ|r kẏthreuleit. Gwidw. ẏr hỽn
ẏssẏd ẏnot ti a|r hỽn ẏssẏd ẏg kẏlch dẏ
vẏnỽgẏl. Prior. pẏam nat ẏdỽẏt ti ẏn ado+
li ẏdaỽ. Gwidw. Mi a adoleis ẏdaỽ ẏr na|s argan+
uuost i. Prior. ẏd ỽẏfi ẏn erchi ẏt trỽẏ gẏn+
hedẏfeu a gallu corff crist vẏ canlẏn ẏ
maes o|r gellẏ. Gwidw. Mi a dilẏna vy arglỽẏd
ẏn llaỽen Ac ar hẏnnẏ y clẏỽẏnt nẏ dilẏn
megẏs beit ẏn danbẏllaỽr ac val ẏd
oed ẏn kẏrchu heb welẏ ẏ ỽreic dechreu
o|r ỽreic dan discẏrnu danned dodi llef m+
al dẏn ẏnuẏt a|dygỽẏdo ẏ laỽr mal dẏn marỽ
a phan ẏmhoẏles ẏ prior ẏ dodes ẏ ỽreic lef
dan dẏỽetut arglỽẏd duỽ nertha vi o|r lla+
uur ẏssẏd arnaf. Prior. pẏ achos ẏd ỽẏt ẏn
dirmẏgu dẏ ỽreic. Gwidw. hi hunan ẏssẏd achos
ẏ thristỽch ẏ prior a dẏỽat ỽrth ẏ ỽreic
o ỽreic ẏn enỽ iessu crist dẏỽet ỽrthẏf