Breudwd Rhyddiaith Gymraeg 1300-1425
English

Llsgr. Amwythig 11 – tudalen 7

Gwasanaeth Mair

7

iago Agorỽch ẏch pẏrth dẏwẏssogẏon
a chenỽch volẏant ẏmdrẏchefỽch dr+
agẏwẏd bẏrth ẏ vrenhin gogonẏant
Pỽẏ|r brenhin gogonẏant hỽnn a da+
ỽ attam ẏn dirgel arglỽẏd cadarn
kẏuoethaỽc a galluus ẏn rẏuel A+
gorỽch ẏch pẏrth tywẏssogẏon a ch+
enỽch uolẏant ẏmdrẏchefỽch dragẏ+
wẏd byrth ẏ vrenhin gogonẏant
Pỽẏ|r brenhin gogonedus hỽnn ỽrth
gael molẏant arglỽẏd ẏ nerthoed
ẏỽ brenhin gogonẏant Gogonyant Megys
Antem Bendigedic ỽẏt veir ẏmplith ẏ gwraged. a|be+
ndigeit ẏỽ frỽẏth dẏ groth ti jessu amen.
R Neur dineuwyt rat y|th weuẏsseu ueir detw+
ẏd ỽrth hẏnnẏ ẏ|th vendigaỽd duỽ a dihewyd
Pater noster Na dỽc ni arglỽyd ym|prouediga+
etheu Rẏdhaa ni duỽ buỽ o bob drygeu Arglwyd
kanhatta ẏn bendigaỽ Santes ueir wyry ben
gwerẏdon gwedia duỽ drossom ni dynyon. Amen.