Breudwd Rhyddiaith Gymraeg 1300-1425
English

Llsgr. Amwythig 11 – tudalen 69

Ysbryd Gwidw

69

os o hẏnnẏ ẏ cỽppleir o|r a|uo eisse o|r par+
th arall. Prior. beth ẏ dal dẏỽetẏt gỽassa+
naeth ẏ meirỽ o naỽ llith. Gwidw. llaỽer
ẏ tal o achos ẏ naỽ llith ẏssyd nẏ gẏf+
laỽnhau mẏỽn gobeith ẏ dẏuot tu ac
at naỽ rad ẏr egẏlẏon. Ẏ pump salẏm
ar|osper tu ac at ẏ pẏmp synnỽẏr tra
vuont ẏn gỽassanaethu ẏ goreu ẏ pẏ+
mp antym ẏmlaen ẏ salme pẏmp kẏ+
dernit ẏr eneit mal gỽẏbot rỽg da
a drỽc a chof ac eỽẏllys a chẏnnẏd a cherdet
tra vont ẏn gỽassanaethu ẏ goreu Ẏ naỽ
salẏm a|r bẏlgein ẏn gỽassanaethu tu ac
at naỽ ẏ naỽ ansot ẏr eneit Sef ẏỽ hyn+
nẏ ẏ mẏỽn ieuegtit nẏ heneint nẏ dlo+
ti nẏ allu nẏ diỽeirdeb nẏ briodas nẏ w+
edtot nẏ yscolheictot nẏ leẏgaeth. Ẏ
pẏmp salẏm a|r pẏmp antẏm ẏssẏd a|r
laỽdes ẏssyd ẏn kẏflaỽnhau ẏr eneit tu
a|r degeir dedẏf Y dỽẏ salym megẏs