Breudwd Rhyddiaith Gymraeg 1300-1425
English

Llsgr. Amwythig 11 – tudalen 65

Pa ddelw y dylai dyn gredu i Dduw

65

periglus ẏd aghenir dyn drỽẏ leindẏt bu+
ched madeuedic vyd idaỽ ẏ holl pechodeu
madeuaỽl a|r neill beth a dẏwedir ẏ dam+
ỽeinaỽ ẏdaỽ a|e durẏssẏaỽ o agheu a|e caf+
fel iechẏt avyrr amser a dẏn a dẏlẏir
ẏ aghennu gnifer gỽeith ẏ dẏgỽẏdo mẏ+
ỽn clefẏt periglus. Chỽechet. Rinwed. ẏỽ ur+
deu kyssegredic Sef ẏỽ hẏnnẏ dillẏgda+
ỽt a|medẏant ẏ wassanathu rinỽedeu ẏr
eglỽẏs Seithuet Rinwed. ẏỽ priodas rỽg gỽr
a gỽreic a honno a wnaethpỽyt ẏr|dibe+
chu cẏt·knaỽt ac yr ennill plant y wa+
ssanaethu duỽ Seith weithret  drugared
G ỽedẏ gỽẏpo dẏn nerthoed a grẏmẏ+
ant rinỽedeu ẏr eglỽys aaruer o+
nadunt trỽẏ perfeithrỽyd. dylẏedus ẏỽ
idaỽ ỽẏbot seith ỽeithret ẏ drugared a|e
gỽneuthur ẏr gobrỽẏaỽ ogonyant ẏn|
nef Sef ẏnt ẏ gỽeithredoed hẏnnẏ rodi
bỽẏt ẏ neỽẏnaỽc diaỽt ẏ sẏchedic llettẏ