Breudwd Rhyddiaith Gymraeg 1300-1425
English

Llsgr. Amwythig 11 – tudalen 59

Pa ddelw y dylai dyn gredu i Dduw

59

on y varỽ rac eisseu ac na chatỽo dyn ỻit
ganthaỽ o digassed ẏn erbẏn ẏ gẏmodoc
Chỽchet* geir dedẏf ẏỽ na wna odineb ẏn
ẏ geir hỽn ẏd eirch duỽ na bo kẏt·cnaỽt
·rỽg gỽr a gỽreic o·dieithẏr priodas
Seithuet geir dedẏf ẏỽ Na wna letrat
ẏn|ẏ geir hỽn ẏd eirch duỽ na dẏcko dẏn
da ẏ gẏmodoc heb ỽẏbot idaỽ nac ẏ dreis
nac o|anuod nac o|e gẏmell nac o dỽẏll
nac o ockyr Wẏthuet geir dedẏf ẏỽ Na
dỽc gamtẏstolẏaeth ẏn|ẏ geir hỽnn ẏd ei+
rch duỽ   hao dẏn gelỽẏd
drỽẏ tỽg uelly y colletto ẏ gẏmodoc o|e
glot neu o|e da pressennaỽl Naỽuet geir
dedẏf ẏỽ na chỽẏnẏcha na thir na thẏ
dẏ gẏmodoc Sef yỽ hẏnnẏ drỽẏ dỽẏll ne
gamỽed Decuet geir dedẏf ẏỽ na chỽẏn+
nẏcha ỽreic dẏ gẏmodoc na|e ỽas na|e
vorỽẏn na|anifeil Sef ẏỽ hẏnnẏ na ch+
ỽẏnnẏcha da kẏhỽnnaỽl dẏ gẏmodaỽc