Breudwd Rhyddiaith Gymraeg 1300-1425
English

Llsgr. Amwythig 11 – tudalen 48

Gwasanaeth Mair

48

ẏn effrata eirẏoet. ni a|e caỽssam hi ẏ
meẏssẏd ẏ coet. Na|aỽn attei y mẏỽn
hẏt ẏn|ẏ hardemyl ni a wediỽn lle safa+
ỽd traet ẏ dissẏmẏl Kẏuot ẏ|th orffỽ+
ysua arglỽẏd ti a|th ẏscrin dẏ santeid+
rỽẏd Gỽisgent dẏ offeirẏeit ẏ kẏfẏ+
aỽnder ymdrẏchafent ẏ seint ar fẏd+
londer Arglỽẏd o achaỽs dafyd dẏ wadi
na thro dec ỽyneb duỽ ẏ ỽrthym ni.
Tẏgaỽd duỽ ẏ dafyd ẏ wirioned nẏ byd
ouer. dodaf ar dẏ eistedua frỽyth dy gr+
oth ẏg|gỽẏd llawer. O cheidỽ dy ueiby+
on vẏn dedyf ẏn gẏfun. a|tystolyaeth+
eu a dẏscỽyf udun Y meibẏon ỽynt
a eistedant ẏn rẏd ar dẏ eistedua di yn
dragẏwẏd. Canys etholes yr arglỽyd
sion. etholes duỽ hi ẏn bressỽyl gysson
Hon ẏỽ vẏg|gorffỽysua i ẏn oes oesso+
ed diffleis. ẏma ẏ pressỽẏlaf canẏs eth+
oleis. Bendigaf ẏ wedỽ a lanwaf o da
kyflaỽnaf