Breudwd Rhyddiaith Gymraeg 1300-1425
English

Llsgr. Amwythig 11 – tudalen 36

Gwasanaeth Mair

36

choel arglỽẏd ẏn keithiwedic. megẏs car+
rec ẏn deheu creic Y rei a heont ẏ hat
mẏỽn dagreu. ẏn llẏwenẏd ẏ medant
eu ffrỽẏtheu Y mẏnetẏeit aent ac
ỽẏleint gaanuon eu hadeu ẏn dagre+
ueint Dẏuotẏeit ẏn|wir deuant mẏ+
ỽn goruoled. ẏn dỽẏn eu dẏrneideu dr+
ỽẏ tagnefed Gogonant ẏ|r taMegẏs
O nẏt ẏr arglỽẏd ẏ* a|adeilẏa ẏ tẏ. o+
uer uẏd llauur ẏr adeiwẏr* a gw+
eckrẏ Onẏt ẏr arglỽẏd a|adeilẏa ẏ di+
nas. ouer ẏ|r keitwat ẏỽ gỽẏlẏaỽ ẏ blas
Ouer ẏỽch gẏuodi kẏn lleuuer eglur.
kẏuodỽch o|ch eisted bỽẏteeit bỽyt do+
lur Pan rodo hun ẏ|ỽ geredigẏon euẏr+
llit. llẏma tref tat duỽ frỽẏth croth
meibẏon kẏfnewit Megẏs saetheu
ẏn llaỽ vedẏanussẏon uellẏ meibẏon
ẏsgẏtwededigẏon Gwẏn ẏ uẏt ẏ gỽr
a gẏflenwis onadunt ẏ eidunet nẏ