Breudwd Rhyddiaith Gymraeg 1300-1425
English

Llsgr. Amwythig 11 – tudalen 31

Gwasanaeth Mair

31

hẏnn a vo ẏng|kaerussalem hedỽch ac
amẏlder ẏ|a|th garo o garat flch
Duỽ bit hedỽch ẏn dy gampeu a bit
amẏlder yn dẏ dẏreu O achaỽs vẏm
broder i a|m kyfneseifeit ẏ traethỽn
dagnefed amdanad ẏn honneit O|th
achaỽs ti duỽ ẏn gỽir arglỽẏd ni y ke+
isseis dagnefed a da ẏtti Gogonyan Megys
antem Teilẏga ui gẏssegredic veir ẏ|th uoli
di; dẏro dẏro* ẏm nerth ẏn erbyn dy e+
lẏnnẏon di; ~ ~ ~ ~ ~ ~ ~ Cabidỽl
O |r dechreu a chẏnn oessoed ẏ|m cre+
wyt i ac nẏ madefaỽd bot rac lla
Ac ẏn santeid bressỽẏl ẏ gwassaneyth+
eis geẏr ẏ vronn ef. Diolchỽn ẏ duỽ
atteb Dilỽgẏr wẏrẏ ẏ trigeist wedẏ escor Di+
lỽgyr wẏrẏ. Santes vamaeth duỽ kyf+
rỽgdarestỽg drossomi wedy escor Gogo+
nẏant y|r. tata|r mab Dilỽgẏr wẏrẏ;
Santes veir vam crist clyỽ dẏ weissẏon