Breudwd Rhyddiaith Gymraeg 1300-1425
English

Llsgr. Amwythig 11 – tudalen 29

Gwasanaeth Mair

29

A r duỽ ẏ llefeis pan ẏ|m trallodit ac
ef a|m gwarandaaỽd ẏ|m gouit Ar+
glỽẏd rẏdhaa uẏ eneit pan el o|m cna+
ỽt rac enwirion weuusseu a bredẏchus
dauaỽt Beth a roder ẏtti neu beth a|ch+
aneckaer ar uredẏchus dauaỽt ỽrth
ẏ drỽc a|e diuer Saetheu y kẏuoethaỽc
blaenllẏmẏon ẏnt gẏt a marwar diffe+
ithẏon Gỽae vi bellet vẏg kiỽdaỽdaeth
kẏt·bressỽẏleis a pressỽẏlwẏr cedar dirua+
ỽr dir·diwẏllaỽdẏr vu uẏ eneit ẏmplith
ẏ giỽdaỽt anhegar Tagnefedus oed+
ỽn gẏt a digassogẏon ẏ dagned pan
ymdidanỽn ac ỽẏnt ẏ|m gỽrthledẏnt
ual trỽẏ gẏwrẏssed Gogonẏant Megys
D rychefeis uẏ llẏgeit hẏt ar ẏ mẏ+
nẏded o ba|hon ẏ|m daỽ canhorth+
ỽẏ ẏn|ẏ diwed Vẏg|kanhorthỽẏ i ẏ
gan ẏr arglỽẏd a greaỽd nef a dae+
ar ẏn hẏlỽẏd Nẏ rodo dẏ troet ar