Breudwd Rhyddiaith Gymraeg 1300-1425
English

Llsgr. Amwythig 11 – tudalen 145

Deongl Terfynau'r Byd

145

nant onyt dan gẏnhydu ac amylhau
uet amil a trẏchant a|hwech mlẏned
a thrugeint wedẏ geni crist nẏ mes+
sur ẏ keir ẏn scriuenedic mẏỽn llẏf+
uẏr braỽt Cỽlỽmbin Ac ẏn diwed
ẏ chỽechet arỽẏd uchot ẏd ẏmdeng+
ẏs ancrist ẏn amlỽc a|r dỽẏ ẏscẏmm+
unedic genedlaẏt gẏt ac ef nẏt am+
gen no Gog a Magog A rei a dẏwe+
dant uot ẏ reit geni ancrist neur dỽ+
ẏllỽẏt achos ẏ mae ẏn ẏscriuenedic
ẏ mẏỽn llẏfuẏr Jeuaabostol a elw+
ir Apocalẏpẏs maMil a trẏchant ac
vn ulỽẏdẏn a|thrugeint gwedẏ geni crist
ẏ tyrr ẏ kẏthreul ẏ rỽẏmeu A gwẏbẏ+
det paỽb na dẏwaJeuan vot ẏn reit
geni ancrist nẏr amser hẏnnẏ diethẏr
dẏwetut a wnaeth ẏ datrỽẏmit  ky+
threul nẏ megẏs ẏ bu datrỽẏmedic ẏn
amser ẏr amheraỽdẏr ffrederis n|ẏ a+