Llsgr. Amwythig 11 – tudalen 140
Breuddwyd Pawl
140
eu geni a|dẏwetut a oruc ẏr aghel beth
a ỽẏlẏ ti nẏ weleist|i ẏ poẏneu mỽẏaf
ettỽa kanlẏn ti vi a|thi a|e gwelẏ A
cherdet a orugant ẏ|r lle ẏ gwelynt p+
ẏdeỽ a|rỽẏten kaẏedic arnaỽ a|dẏwe+
tut a oruc ẏr aghel ỽrth paỽl saf ẏm
pell nẏ ellẏ odef arogleu ẏ lle hỽn ac
agori a|wnaeth ẏ pẏdeỽ hỽnnỽ a dẏuot
a|wnaeth rẏỽ arogleu ohanaỽ a oed w+
aeth no|r holl poẏneu ereill ac ẏ gw+
elẏnt dẏnẏon kẏflaỽn o dan yn ym+
dẏrchauel e|hunein a gouẏn a oruc Pawl
ẏ|r aghel pẏ rẏỽ le oed hỽnnỽ llyma
vffern heb ẏr aghel ẏn|ẏ lle ẏ disgẏnnẏ+
ssant ẏr holl eneideu kẏn dẏuodigaeth
ẏn arglỽyd ni Jessu grist ẏ proffỽẏdi a|r
holl vẏt a|uuant dreigẏledic yn vffern
A|r Trugaraỽc Arglwẏd a warẏndaw+
aỽd cỽẏnuan ẏ rei hẏnnẏ a discẏnnu
a wnaeth ẏr arglỽẏd a dỽẏn ran ac a+
| « p 139 | digital image | p 141 » |