Llsgr. Amwythig 11 – tudalen 138
Breuddwyd Pawl
138
aghel y|r rei ny obeithassant ẏn duỽ ac nẏ
bu gret ẏndunt a gouẏn a|oruc Paỽl
pẏ ueint ẏỽ dẏuẏnder ẏ lle hỽn a|r
aghel a attebaỽd anuessuredigaeth
o dẏuẏnder ẏssẏd ẏn|ẏ lle hỽn ẏr eneit
a|el ẏn|ẏ pẏdeỽ hỽn kẏmerwi a wna ac
nẏ bẏd atwaret ẏdaỽ ger bron ẏ deẏ+
rnas a|phan glẏbu paỽl hẏnnẏ ỽẏlaỽ
ac ucheneidaỽ a dywetut a oruc yr
aghel Beth a ỽẏlẏ ti ar dẏnaỽl gene+
dẏl Ae mỽy tẏ trugared ti no thru+
gared mab duỽ ẏr hỽn a deuth ẏ brẏ+
nu kẏfẏaỽnon ẏ byt ac ẏ adaỽ ẏ bop
un ẏ briaỽt ewẏllus ac amser ẏ ben+
ẏdẏaỽ A Gỽedẏ hẏnnẏ ẏ gwelsant le
arall aruthẏr ẏn ẏr hỽn ẏd oed auon
uaỽr ẏn llosci a gỽyr a gwraged ẏn+
di ẏn bỽyta eu tauodeu a phrẏfet
gwenỽẏnic ẏn|ẏ bỽẏta hỽẏnteu ac
ỽylaỽ a wnaeth Pawl a gouẏn a oruc ef
| « p 137 | digital image | p 139 » |