Llsgr. Amwythig 11 – tudalen 116
Y Groglith
116
ab y duỽ A llawer o bell a doeth yno a|e
kanlẏnẏssant o alilẏa ac yn eu plith Me+
ir vatlen a Meir mam Jago a Josep a m+
am meibo˄n Zebedeus A phrynhaỽn hỽẏr ẏ
doeth gỽr kyuothaỽc o aramathia a Jos+
ep oed y enỽ vn o|r discẏblon ẏ erchi corf
Jessu a philatus a erchis rodi idaỽ y co+
rff a Joseph a|e kymerth ac a troes llen+
lliein ẏn|ẏ gyllch* a|e ossot a oruc ẏ|mẏ+
ỽn mynwent newyd a torrassei o vn
garrec a dodi llech vaỽr ar ỽẏneb y bed
a mẏnet ẏ ẏmdeith Ac ẏna y doeth Me+
ir vatlen a Meir arall ẏ eisted gẏuer+
byn a|r bed a thranoeth ẏ doeth tẏwys+
sogẏon ẏr effeireit a pharsswẏr hyt ar
pilatus a dẏwedut ỽrthaỽ arglỽyd he+
b hỽẏnt cof ẏỽ gennẏm ni dẏwedut
o|r bratỽr ac ef ẏn vẏỽ Mi a gẏuodaf
ẏ trẏdydẏd o veirỽ ac am hẏnnẏ ar+
glỽyd arch cadỽ ẏ bed rac dẏuot ẏ dis+
| « p 115 | digital image | p 117 » |