Llsgr. Amwythig 11 – tudalen 11
Gwasanaeth Mair
11
ẏ|r tat a|r mab. a|r ẏspryt glan.
T i duỽ a adolỽn ti a wediỽn a thi a
adefỽn eidun douẏd Ti arglỽẏd
nefaỽl tat tragẏwẏdaỽl to dayar a|th
uaỽl ẏ saỽl ẏssẏd Eghẏlẏon gerdeu
nef a|e medẏanneu oll a|th uaỽl ditheu
rieu rẏẏd. Serubin gẏmỽẏs seraph+
in urẏwẏs a ganant ẏn lỽẏs leis waỽt
newẏd Sant Sant Sant arglỽẏd sa+
baoth culỽẏd santeiduaỽr hẏlỽẏd he+
ul hỽẏl loewdẏd Llaỽn ẏw nefaỽl
chwant o|th uaỽr ogonẏant a hẏllto
arẏant holl daẏerẏd Gogonedus gor
ebẏstẏl nefaỽl bor a|th uaỽl ualch gẏg+
hor gaghen detwẏd Molẏannus ẏn
ri rif ẏ proffỽẏdi a|th uaỽl crist keli
colofẏn bedẏd Canneit·lu creudỽẏsc
a gerdant ẏ|th ỽẏsc dur urỽẏsc doryf+
rẏd. Santes eglỽẏswaỽt drỽẏ|r holl
uedẏssẏaỽt dẏro hael deuaỽt o|th lin
| « p 10 | digital image | p 12 » |