Breudwd Rhyddiaith Gymraeg 1300-1425
English

Llsgr. Amwythig 11 – tudalen 105

Y Groglith

105

m prouedigaeth Paraỽt ẏỽ r ysprẏt ac
eissoes gỽan ẏỽ knaỽt Ac eilweith ẏd aeth
ẏ wediaỽ vẏn tat|i onẏ eiỻ ẏr agheu honn
vẏnet ẏ ỽrthẏf|i bit dẏ ewyỻẏs di A dẏuot
a oruc at ẏ discẏblon ac eu caffel ẏn cẏscu
canẏs gorthrỽm oed gantunt A|r drẏded ỽ+
ỽeith ẏd aeth ẏ wediaỽ yr vn rẏỽ ymadra+
ỽd a dẏuot at ẏ discẏblon ac erchi ẏdunt
kẏscu a gorffywẏs ẏma ẏr aỽr ẏn dẏurẏ+
ssẏaỽ ẏ rodir mab dẏn ẏn aỽ pechadurẏ+
eit kẏuotỽch aaỽni ẏma ẏn agos ẏ|neb
ẏssẏd ẏ|m rodi i ac ef yn dẏwedut hẏnnẏ ỻ+
ẏma Judas ẏn dẏuot a thorof vaỽr ẏ·gẏt
ac ef a chledẏfeu a ffusteu gỽedẏ anuon
o tẏwẏssogẏon yr effeireit a heneif ẏ bo+
bẏl ac ẏ menegis Judaa|arỽẏdon ẏ ne+
b ẏd elỽẏf i dỽẏlaỽ mynỽgẏl ẏdaỽ delẏỽch
chỽi hỽnnỽ ẏỽ ef nessaa oruc Judaatta+
ỽ a|dẏwedut henpẏch gweỻ athro a|e gus+
sanu ac ẏna ẏ dẏwaỽt Jessu oẏ a gedym+