Rhydychen, Llsgr. Rawlinson B 467 – tudalen 86r
Meddyginiaethau
86r
afal a|elỽir queẏns a berỽ meỽn gỽin me+
lẏs a|gỽedẏ hẏnnẏ briỽ ẏn|dda a|dot igẏt ac
ef bỽdẏr canel a|dẏro i|r o|e vỽtta. a+
rall Kẏmer ddeil ẏr ẏsgall pigaỽc a|briỽ wẏnt
a|chẏmer ẏ|sud a|thempra igẏt a|llaeth tỽẏm
a|dẏro i|r|claf o|e ẏfet I beri kẏsgu Kẏmer saf+
frwn ort cafee lignie a|mortera ẏn dda
igẏt ac oẏl o|ros ac ir dẏ|froeneu. ac a|gẏsgẏ.
Pwdẏr da i|r neb ẏ|bo bolẏ kalet iddaỽ. Kẏmer
anis a|hat ẏ|fenigyl. a|blodeu ẏ violet a blo+
deu ẏ|bỽraẏch vnce o|bob vn ohonunt ac vns
o|sene. ac arall o|galingal. a|hanner vnce o
vinegẏr a|gỽna bỽdẏr o hẏnnẏ oll a dẏro lo+
neit llỽẏ iddaỽ ẏn saẏge. I dẏnnu magyl
ẏ ar lẏgat. Kẏmer efras a mortera ẏn dda a
gỽask drwẏ liein a kẏmer vlonec moch a
| « p 85v | p 86v » |