Breudwd Rhyddiaith Gymraeg 1300-1425
English

Rhydychen, Llsgr. Rawlinson B 467 – tudalen 84r

Meddyginiaethau

84r

|lleỽ a|mortera ẏgẏt a|r trỽnk a dot ẏn|ẏ clust.
arall Kẏmer sud ẏ|morgelẏn a|dot ẏn dỽẏm ẏ  ̷+
n|ẏ clust kanẏs o|r|bẏd ẏ|prẏf ẏno ef a|ẏ llad
|sud ef aa|leihaa ẏ|dolur arall Kẏmer wrẏsk
onn neu wieil onn irion a|dot ar ẏ|tan i|losgi a|dot
lestẏr i|erbẏnẏeit ẏ sud a ddel o benneu ẏ prenneu
hẏnnẏ pan vont ar ẏ|tan. a|dot ẏgyt a|r sud
hỽnnỽ. sud llẏsseu ẏ|r clusteu a|gỽin kẏmeint
o bob vn ac o|ẏ gilẏd a blonec llẏssẏỽen a|chẏm+
ẏsk igẏt a|gat i|ddefni ẏn|ẏ clust arall Kẏmer
benn o|wẏnwẏn a gỽna bỽll ẏn|i ganaỽl a|dot
vel ẏndaỽ a dot i|bobi dan ẏ|llẏdỽ. a gỽedẏ
hẏnnẏ briỽ ef a gỽask drỽẏ liein a|phan
elỽch i|gẏsgu dot beth o hnnỽ ẏn|dẏ glust
I attal gỽaet o|drỽẏn. Kẏmer ẏ bleỽ gỽẏnn a
vẏd ar ẏr|ẏsgẏfarnaỽc a|llosk meỽn croch+
[ an