Breudwd Rhyddiaith Gymraeg 1300-1425
English

Rhydychen, Llsgr. Rawlinson B 467 – tudalen 81v

Meddyginiaethau

81v

Kẏmer vlaỽt a wneler o|r cokẏl. ac oẏl. arall
a|wneler o velẏn·wẏe a|gỽna blastẏr a dot
ỻe mẏnnẏch vot ẏ gỽallt arallKẏmer vinegyr
a|r|gẏmeint arall o oẏl ẏ|ros. a|galẏingal. a
gỽna bỽdẏr ohonaỽ a dot ẏ|pỽdẏr. a|r oẏl. a|r
vinegẏr. ac ẏn gẏnta rugẏl ẏn dda ẏ|lle ẏ
mẏnnẏch dẏfu ẏ|gỽallt a|chlỽtt lliein ac
wedẏ hẏnnẏ ir ef a|r eli hỽnnỽ. 
Rac gỽẏnt a|vo meỽn kẏlla dẏn dẏro id  ̷+
daỽ o|ẏ vỽẏtta ẏ pỽdẏr hỽnn ẏn|i vỽẏt. ẏr
origan. a deil ẏ|rut. aanis. a charỽei. a|mint
a chalamẏnt. a|meos. a|girofre. a mastic.
a frank·encenst. a|dẏro ẏ pỽdẏr o|r rei hẏn
Meddeginẏaeth˄u|rac pob rẏỽ [ oỻ iddaỽ ẏn|i vỽẏt.
ddolur a vo meỽn gieu neu wẏthi. Kẏmer
lẏngher ẏ|ddaear a|chẏmer benn o|wẏnỽẏn