Breudwd Rhyddiaith Gymraeg 1300-1425
English

Rhydychen, Llsgr. Rawlinson B 467 – tudalen 79v

Meddyginiaethau

79v

ẏna dot igyt ac ef o alum ac ẏstor. a
verdẏgreys a chymysc igẏt a mel a|gỽlẏch
glwta|chlwm ar ẏ|dolura|iach vẏd. 
Diaỽt ẏ|iachau ẏ|kic drỽc Kẏmer ẏ|bugle a|r se  ̷+
nicle. a|r afans. ac egrimoẏn. a|ambros. a|r
brastua|blodeu y llina|chaỽl cochẏon. a|blo+
deu ẏr egroes o|bob vn gẏmeint a||gilẏd. a|dot
igẏt ac|wynt o|r madẏr gẏmeint ac o|r rei e  ̷+
reill oỻ o wreid ẏ|madẏr. a|berỽ wẏnt meỽn
gỽin neu|gỽrỽ da a|dot ẏ|saỽl bỽẏs o|vel ẏ+
gyt ac ef a|r|saỽl galỽẏn o ddỽr. ac ẏna berỽ
a|gỽedẏ darffo i|verỽi ẏn|dda hidẏl drỽẏ liein
a dot i|gadỽ meỽn gỽẏdẏr neu meỽn llestẏr
prid. a|gat i|sseuẏll ẏni vo teỽ ac|ẏna dẏro
iddaỽ o|ẏ ẏfet ẏ|bore ẏn|oer. a|r nos ẏn|dỽẏm.
Meddeginẏaeth ẏ iachau gỽaẏỽ gỽlẏboraỽc