Breudwd Rhyddiaith Gymraeg 1300-1425
English

Rhydychen, Llsgr. Rawlinson B 467 – tudalen 32v

Meddyginiaethau

32v

gẏn ẏr|eidral. a sugẏn gỽreid ẏ funẏgẏl.
a|sugẏn ẏ selidon. a|ỻẏsseu ẏ ỽennol a|blonec
hỽch a|mel. ac ẏchẏdic o|vinegẏr a|gỽaet
assỽen a bẏstyl keilẏoc a dot mẏỽn ester
ẏnẏ vlodeuo a hẏnnẏ a|rodei ẏ dẏnẏon
y eu|golỽc gỽedẏ as|koont. Rac pessẏ+
chu mortera ẏ vẏdon chỽerỽ a|bỽrỽ ẏ|su  ̷+
gẏn mẏỽn aeth berỽedic a|hidẏl ef
ac aruer ohonnaỽ. Ara ẏỽ berỽ lest+
reid o|dỽfẏr ẏnẏ el dan ẏ hanner ac ẏ+
na kẏmẏsc vlaỽt rẏc ac ef. a dot em+
enẏn ẏndaỽ ac ar·ver ohonnaỽ ẏn
vrỽt. Y lad prẏuet mẏỽn dẏn kẏ+
mer sugẏn ẏr ervin a dot ẏn blastyr
ar·naỽ ac veẏ ẏ|deuant aan. Ara
ẏỽ ẏf sugẏn ẏ persli mẏỽn ỻaeth geifyr
y ostỽg kaledi|bolẏ dot arment a|halen